Ísland var land þitt:(

Nýr texti við ísland er land þítt

Ísland var land mitt, ég aldrei því gleymi,
Ísland í gjaldþroti sekkur í sæ,
íslenskar krónur í banka ei geymi
við íslenska hagkerfið segi ég bæ,
Ísland á erfiðum tímum nú stendur
Íslenska stjórnin hún failar margfallt
Íslenski seðillinn er löngu brenndur
Ísland er landið sem tók af mér allt.

Höf. Ókunnur

Íslands er land þitt!!

Þetta er nýr texti við lagið söknuð með Villa Vil


Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.

Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.

Kreppa???

Á dauða mínum átti ég von en ekki þessum ósköpum sem yfir landið dundi í dag, jafnvel þó ég hafi fyrir nokkru líst áhyggjum mínum við félaga minn Óskar Helga. Því miður eigum við eftir að sjá dóminó áhrifin síðar, eflaust hægt og bítandi, það er farið að harðna á dalnum hjá bönkunum, okkur, og ég get bara ekki séð hvað þessir duglausu tindátar við austurvöllinn ætla að gera síðar, þegar skarinn fer að fá uppsagnarbrefin og fyrirtækin loka, hvert á fætur öðru, vona að ég hafi rangt fyrir mér. Það er nefnilega að koma núna berlega í ljós, þessi útrásarhroki nokkurra einstaklinga sem þótts hafa getað borið vit fyrir okkur hin, hversu skammtíma hugsanir þeirra og einræðistilburðir eru að gera fyrir okkur hin, koma hinum smáu samborgurum sínum í vanda sem þeir óskuðu ekki eftir. Kannski á hinn bóginn má segja að þarna sé um svo mikla fjármuni að ræða, að hreinlega ekki sé réttlætanlegt að ganga á milli bols og höfuðs á þeim, þ.e.a.s. að láta þessa aðila vera gjaldþrota, til þess séu of miklir hagsmunir í húfi, sem segir okkur að of langt hefur verið gengið gagnvart þeim, of mikil áhætta tekin. Eru eignatengslin ekki orðin of mikil hérna??? og hins vegar á að skoða hvort ekki séu hreinlega um sviksamlega starfsemi að ræða þegar fáir útvaldir einstaklingar geta hreinlega skammtað sér fjármuni í starfslokasamninga og þessháttar, svo hreinlega að fyrirtækin verða hreinlega í kröggum vegna þess, eimskip er gott dæmi, og þá mætti örugglega skoða hvað miklir fjármunir hafi verið teknir úr Glitni á s.l. 8-10 árum, eru eflaust dávænar fúlgur sem í dag hefðu örugglega skipt Glitni góðu máli. Get bara ekki séð í okkar fámenna sambýli hér að svona ofugreiðslur séu réttlætanlegar gagnvart almenningi, sem margir eiga í dag vart fyrir nauðsynjum, hvað þá öðru, og ég get ómögulega séð hvað ein persóna hefur með svo mikla peninga að gera að hann hefur ekki og getur ekki undir neinum kringumstæðum eytt milljörðum króna, nema hann eigi hlutabréf´i Glitni!! Væri hægt að gera margt annað fyrir svona peninga. Eins get ég ekki séð að þessir sömu menn séu tilbúnir að lækka hjá sér laun og annann bónus þegar illa árar, það gerist aldrei, þeir séu látnir endurgreiða, aldrei verður það, frekar verða hópuppsagnir til að þessir herramenn haldi sínu. Vona að allar hrakspár rætist ekki og ástandið lagist þó hægt fari.  En eitt er víst, að ef að fyrrverandi stjórnarformaður, Jón Ásgeir hefði verið við stjórnvöllinn, væru sennilega allir starfmenn bankans komnir með uppsagnarbréf, spariféð glatað, vegna þess að hann hefði ekki getað fyrir sitt litla líf getað farinn inn fyrir hússins dyr á seðlabankanum og óskað hjálpar. Starfsmenn Glitnis geta þakkað sínum sæla að við stjórnvölinn er annar stjórnandi.

Björn-Birna?

Tel að það eigi ekkert að bíða með að svæfa dýrið svefninum langa, búinn að eyðileggja æðarvarp á bænum, halda fólki í gíslingu og ekki vitum við hvaða eða hvort bangsi kemur með einhverja óværu með sér og ég tala nú ekki um kostnaðinn sem af hlýst ef menn vilja flytja hann í burt, og hvort það í raun má? og hver vill taka það að sér? þetta er ekki beint heimilisdýr!! Svæfið hann strax!

„Allt í biðstöðu"

Lífeyrissjóðakerfið

Það er nú býsna skrítið að vera tala um blessaða lífeyrissjóðakerfið,sem undirritaður hefur reynt að hafa áhrif á, þ.e.a.s. með breytingu á samsetningu á stjórnarvali, mér hefur fundist að þar sem þetta hefur verið samið í kjarasamningum, er þetta okkar eigið fé, er skrítið að þeir sem sitja hinu megin við borðið eru mest meginn atvinnurekendur, skrítið ekki satt! okkar fé! þeir tala um að lækka niður greiðslur úr sjóðum félagana en viti menn, aldrei í sögunni hefur þeim dottið í hug að lækka laun þeirra sjálfra, og enn síður, afhverju er að fjárfesta okkar fé í einhverjum kastalabyggingum sem kosta offjár í byggingu og ekki er fyrirsjáanlegt að losna svo létt við byggingar. Er verið að byggja minningarreiti?? Ég vil leyfa ´mér að kasta því fram í næstu kjarasamningum verði höfð breytin á, hluti af lífeyrissjóðakerfinu verði persónubundinn, eins og með séreignasjóðina í dag, 30% verði persónubundinn. Við verðum að breyta þessu sjálf, ekki gerir íhaldið það, þeir vilja hag auðmanna enn betri. Hvenær verður það auðsætt að það sem við borgum hverfur bara í ekkert, enginn á þetta nema þeir jú sem andast um aldur fram, afsakið orðbragðið, en svona er samtryggingin. Ég gæti alveg tekið upp á þessum ósóma að deyja en þá rennur einungis hluti að þeim hlut sem ég hef greitt til kerfisins til þeirra sem eru yngri en 18 og ekkju en annað er tapa. Er ekki kominn tími til breytinga????

 

Einokun - hræsni gagnvart viðskiptavinum!

Maður getur nú bara ekki orða bundist yfir nýjasta útspili KB banka varðandi húsnæðislánin.

Eigendur geta ekki selt eignir sýnar þar sem á hvílir eldri húsnæðislán (4,15%) frá bankanum nema að kaupandi taki annað lán með öðrum vöxtum, sem okkur skildist að væru í kringum 7 %, þannig að þessar eignir koma til með að selja verr en þeir sem hafa húsnæðislán frá öðrum aðilum, en manni sýnist að hinir munu apa þetta eftir þeim áður en langt um líður, en hvar er þá samkeppnin?? 'I raun er þetta orðið svo, að við skiptum þá orðið svo agalega litlu máli, við erum svo fámennir viðskiptamenn hjá bankanum að þeim er, að manni finnst, alveg nákvæmlega sama um okkur, og þessvegna leyfa þeir sér að gera þetta, þeirra viðskipti eru einfaldlega meira erlendis. Ég held að við ættum að treysta og byggja meira undir gamla húsnæðiskerfið sem bankarnir vilja leggja niður, vegna þess að það slær aðeins á peninga- og vaxtagræðgi þeirra, en maður spyr, afhverju er bara ekki hægt að hafa húsnæðisvexti hér á svipuðu róli og er í nágrannalöndum okkar, og svo ætti að taka þessa verðtryggingu af, barn síns tima. Legg til að sett verði lög um að lán á húsnæðislánum mættu aldrei fara yfir 3% og hana nú.

Mín skoðun!

Ég vild einungis segja mitt álit á þessari vansæmdarfærslum fv Borgarstjóra og hans kokkála, að svona eldamennska á met tíma hefur aldrei verið til sæmdar og segja má að slíkir kokkar hafa hingað til verið settir af, reknir með skömm og þarna kemur enn betur í ljós þeir vankantar og siðleysi sem hefur einkennt hinn íslenska stjórnmálamann í langan tíma. Er ekki kominn tími til að almenningur eigi kröfu á að þessi vanvirðing við okkur, taki enda? Það er skoðun mín að grundvallar þættir í samfélagi okkar verði í eigu okkar allra, ekki í höndum auðmanna eins og sjálfstæðismenn hafa leynt og ljós stemmt að. Orkan, heilbrigðisgeirinn, auðlindir hafsins, eiga að vera í okkar eigu. Er ekki nóg að við séum ofurseld þessum mönnum á öllum okkar eigum?? sbr. húsnæði og aðrar eignir. Ég er ekki tilbúinn að sjá peningamanninum verða hleypt fram fyrir mig né aðra á sjúkrahúsum landsins, vegna þess eins að hann á peningana, ég ekki. Hugsið ykkur af að sveitafélögin hefðu nú yfirráðavaldið yfir auðlindum sjávar, byggðir landsins stæðu í blóma, en þess í stað vaða einstakir kvótakóngar í nóg af seðlum sem þeir fengu að gjöf frá þjóðinni, þetta er ótrúlegt rugl! Eitt enn, það var verið að sýna frá umræðum á hinu háa alþingi er Steingrímur var að tala máli lítilmagnans, þ.e.a.s. öldruðum og öryrkjum, að sýnd var mynd úr sal og beindist nú myndavélin á forsætisráðherra en viti menn; áhuginn á málefninu í umræðunni var enginn, áhugi forsætisráðherra beindist að litlu símtæki í höndum hans, þar sem hann var að senda SMS, kannski til að staðfesta samning Orkuveitunnar og Geysir Green, hver veit, en þetta þykir mér vera afskapleg lágkúra af æðsta embættismanni þjóðarinnar og virðingarleysi við málefnið, því miður.